Շարապովա. Սերենա՛, այս տարի դու հիասքանչ ես խաղում

26-ամյա ռուս թենիսիստուհի Մարիա Շարապովան մեկնաբանել է իր պարտությունը Ֆրանսիայի բաց առաջնության եզրափակչում.

-Նախևառաջ շնորհավորում եմ Ուիլյամսին: Սերենա՛, այս տարի դու հիասքանչ ես խաղում: Ես շատ լավ հիշողություններ ունեմ այս կորտից: Հիշում եմ՝ ինչպես անցյալ տարի հաղթեցի: Կցանկանայի կրկնել նույն հաջողությունը, բայց ես կվերադառնամ հաղթանակի համար հաջորդ տարի: Հիմա ես մի քիչ տխուր եմ: Ցանկանում եմ շնորհակալություն հայտնել իմ թիմին և ընտանիքիս:

Հիշեցնենք, որ Սերենա Ուիլյամսը «Ռոլան Գարրոսի» եզրափակչում 6:4, 6:4 հաշվով առավելության հասավ Մարիա Շարապովայի նկատմամբ: