The Telegraph-ի հաղորդած տեղեկությունների համաձայն` «Չելսիի» նորանշանակ գլխավոր մարզիչ Ժոզե Մոուրինյոն պատրաստվում է թիմ հրավիրել «Ռեալի» փորձառու կիսապաշտպան Խաբի Ալոնսոյին:
Հիշեցնենք, որ Ալոնսոն Պրեմիեր լիգայում` մասնավորապես «Լիվերպուլում», խաղալու փորձ ունի: «Ռեալ» նա տեղափոխվեց 2009 թվականին և այս ընթացքում մասնակցել է 132 հանդիպման` դառնալով 6 գոլի հեղինակ:
Աղբյուրը գրում է, որ իսպանացի ֆուտբոլիստի համար պայքարում լոնդոնյան ակումբի հավանական մրցակիցը «Միլանն» է: Վերջինս պատրաստ է «Ռեալին» առաջարկել 15 մլն եվրո: Այլ մանրամասներ դեռևս չեն հաղորդվում:
