Սիլվան տեղեկացրել է «ՊՍԺ»-ին` ուզում է գնալ «Բարսելոնա»

«ՊՍԺ»-ի ավագ Տիագո Սիլվան չի պատրաստվում հրաժարվել «Բարսելոնա» տեղափոխվելու մտքից, չնայած նրան, որ իր ներկայիս ակումբը նույնիսկ չի ուզում լսել դրա մասին:

Ըստ իսպանական ԶԼՄ-ների’ բրազիլացի ֆուտբոլիստը փարիզյան ակումբի ղեկավարությանն արդեն տեղյակ է պահել Կատալոնիայում կարիերան շարունակելու ցանկության մասին:

Ինչ վերաբերում է կատալոնական ակումբին, ապա նա պայքարում է Սիլվայի տրանսֆերի համար, չնայած այն շատ թանկ կնստի ակումբի վրա: Պաշտպանը առաջին տեղն է զբաղեցնում գլխավոր մարզիչ Տիտո Վիլանովայի տրանսֆերային ցուցակում, ուստի կատալոնացիներն անում են ամեն հնարավորը, որպեսզի գործարքը կայանա: