Նեյմարը «Բարսելոնայում» մարզաշապիկի համարի երկու տարբերակ ունի

«Բարսելոնայի» աստղային նորեկ Նեյմարը դեռ չի որոշել, թե որ համարի մարզաշապիկով է հանդես գալու իսպանական Լա Լիգայում իր առաջին մրցաշրջանում: Ինչպես հաղորդում է El Mundo Deportivo-ն, բրազիլացին երկու տարբերակ ունի. առաջինը 7 համարն է, որն ազատ է մնացել Դավիդ Վիլյայի’ «Ատլետիկո» տեղափոխությունից հետո, իսկ մյուսը’ 11-ը, որով կատալոնական ակումբում խաղացել է լեգենդար Ռոմարիոն:

11 համարի մարզաշապիկը Նեյմարի համար ավելի գրավիչ է, սակայն այն դեռևս պատկանում է Տիագո Ալկանտարային, ով, իր հերթին, մոտ է «Մանչեսթեր Յունայթեդ» տեղափոխվելուն:

Ավելացնենք, որ Կոնֆեդերացիաների գավաթի խաղարկությունում բրազիլացին հանդես էր գալիս 10 համարի տակ: