Նյանգ. «Միլանը» «Յուվենտուսից» ուժեղ է

«Միլանի» հարձակվող Մ’Բայե Նյանգը հայտարարել է գալիք մրցաշրջանում Իտալիայի առաջնությունում իր թիմի չեմպիոնական ձգտումների մասին.

-Այս մրցաշրջանում բոլորս մտադիր ենք ավելի ուժեղ լինել մյուս թիմերից: Կարծում եմ, որ «Միլանը» «Յուվենտուսից» ուժեղ է, բայց եկեք տեսնենք, թե ինչ տեղի կունենա: Մենք շատ բանի կարող ենք հասնել:

Ինչ անձամբ ինձ է վերաբերում, հույս ունեմ դեռ երկար մնալ թիմում: Գրեթե վստահ եմ, որ նոր մրցաշրջանը «Միլանում» եմ սկսելու: Ես պետք է կատարեմ աշխատանքս` գոլ խփեմ ու աճեմ որպես ֆուտբոլիստ: