Տիագո. Ցանկանում եմ խաղալ «Բավարիայում»
13/07/2013 13:44
Նմանատիպ
«Բարսելոնայի» կիսապաշտպան Տիագո Ալկանտարան հաստատել է «Բավարիայում» խաղալու իր ցանկությունը:
Կատալոնացիների 22-ամյա ֆուտբոլիստը, ով վերջերս դարձավ Եվրոպայի երիտասարդական առաջնության հաղթող, գտնվում է մյունխենյան ակումբի գլխավոր մարզիչ Պեպ Գվարդիոլայի ուշադրության կենտրոնում:
Իսպանացի մասնագետն անձամբ հաստատել է, որ խնդրել է ակումբի ղեկավարությանը գնել Ալկանտարային, ով «Բարսայի» կազմում նախորդ մրցաշրջանում մասնակցել է 27 հանդիպման ու խփել 2 գնդակ:
Վերջապես, իսպանական մամուլը կարողացել է կորզել Տիագոյի կարծիքը այս առիթով. «Ես ցանկանում եմ խաղալ «Բավարիայում»: Հուսով եմ’ այդ տրանսֆերը կկայանա»:
Հետևեք մեզ նաև Telegram-ում