«Բարսելոնայի» նոր մարզչի ֆավորիտները` ըստ բուքմեյքերների

Բուքմեյքերական ընկերություններն արդեն սկսել են խաղադրույքներ ընդունել, թե ով կլինի «Բարսելոնայի» նոր գլխավոր մարզիչը:

Ըստ Paddy Power բուքմեյքերական ընկերության’ կատալոնացիների մարզչական նստարանը գլխավորելու հիմնական թեկնածուն «Տոտենհեմի» գլխավոր մարզիչ Անդրե Վիլլաշ-Բոաշն է: Իսկ ահա Skybet-ը պորտուգալացի մասնագետին համարում է երկրորդ ֆավորիտ’ նախապատվությունը տալով Ժոան Ֆրանսեսկ Ֆերեր Սիսիլյային: Վերջինս առավել հայտնի է Ռուբի անունով ու նշանակվել էր որպես Տիտո Վիլանովայի օգնական: Ռուբին ցանկացած դեպքում կշարունակի աշխատել թիմի մարզչական շտաբում:

Հիշեցնենք’ Վիլանովան առողջական խնդիրների պատճառով լքեց Իսպանիայի չեմպիոնի մարզչական նստարանը: