Գերմանական հեռուստաալիքը ռեպորտաժ է պատրաստել Մխիթարյանի մասին

Գերմանական DZF Sport հեռուստաալիքի պաշտոնական կայքը հայտնում է, որ այսօր իր եթերով հեռարձակվելու է հաղորդում, որը նվիրված է լինելու Հենրիխ Մխիթարյանին ու նրա նոր թիմին’ Դորտմունդի «Բորուսսիային»:

Պատրաստված ռեպորդաժը պատմելու է դորտմունդյան ակումբի’ նոր մրցաշրջանի նախապատրաստության մասին, ինչպես նաև մանրամասն ներկայացնելու է Հայաստանի հավաքականի կիսապաշտպանին: Հաղորդումը եթեր է հեռարձակվելու այսօր’ հուլիսի 21-ին, Երևանի ժամանակով 20:10-ին:

Հիշեցնենք’ մեր ընտրանու խաղացողը Գերմանիայի փոխչեմպիոնի կազմ է տեղափոխվել «Շախտյորից», 27,5 մլն. եվրոյի դիմաց: Նա դորտմունդցիների կազմում անցկացրած ընկերական հանդիպումներում հասցրեց դառնալ երկուական գոլի ու գոլային փոխանցման հեղինակ: Սակայն, «Լյուցերնի» հետ մրցավեճում վնասվածք ստացավ, որի արդյունքում բաց կթողնի չորս շաբաթ: