Ռոջերս. Կարևորը` այժմ Սուարեսը «Լիվերպուլի» ֆուտբոլիստ է
21/07/2013 16:23
Նմանատիպ
«Լիվերպուլի» գլխավոր մարզիչ Բրենդան Ռոջերսը հայտարարել է, որ շատ ուրախ է Լուիս Սուարեսի’ թիմի ուսումնամարզական հավաքին միանալու կապակցությամբ:
Հիշեցնենք, որ Կոնֆեդերացիաների գավաթի խաղարկությանը մասնակցելու առիթով Սուարեսին համեմատաբար երկարատև հանգստի հնարավորություն էր տրված:
-Անհամբերությամբ սպասում էի Սուարեսին, ես նրան միշտ եմ աջակցել: Հասկանում եմ դրության բարդությունը, բայց կարևորն այն է, որ Լուիսն այստեղ է և «Լիվերպուլի» խաղացող է:
Ամեն ամսվա ավարտին նա աշխատավարձ է ստանում, դրա համար էլ պետք է թիմի հետ լինի: Եթե այլ կերպ լինի, ինչում ես կասկածում եմ, ապա խնդիրներ կառաջանան,-Ռոջերսի խոսքերը մեջբերել է Goal.com-ը:
Հավելենք, որ Լուիս Սուարեսի ծառայություններով հետաքրքրված են հատկապես «Արսենալը» և Մադրիդի «Ռեալը»:
Հետևեք մեզ նաև Telegram-ում