Մկրտչյանը` Օզբիլիսի` «Սպարտակ» տեղափոխության լուրերի մասին
Նմանատիպ
«Կուբանի» տնօրենների խորհրդի անդամ Սուրեն Մկրտչյանը մեկնաբանել է ռուսական ԶԼՄ-ներում տարածված այն տեղեկությունը, թե թիմի կիսապաշտպան Արաս Օզբիլիսը շուտով տեղափոխվելու է Մոսկվայի «Սպարտակ»: Ռուսաստանի առաջնության առաջին երկու տուրերում հայ ֆուտբոլիստը դարձել է նույնքան գոլի հեղինակ:
-Նրա’ «Սպարտակ» տեղափոխության մասին ինձ ոչինչ հայտնի չէ: Այդ բոլոր խոսակցությունները, իհարկե, կարող են լինել, քանի որ Օզբիլիսը հիանալի ֆուտբոլիստ է ու իրեն շատ լավ է դրսևորում «Կուբանի» կազմում: Բնականաբար, այլ ակումբներից հետաքրքրվողներ կան: Սակայն «Կուբանի» ղեկավարությունն անում է ամեն ինչ, որպեսզի Օզբիլիսը մնա այստեղ:
Ինձ նրա’ «Կուբանից» հեռանալու ցանկության մասին ոչինչ հայտնի չէ: Ես կարծում եմ, որ ֆուտբոլիստը, ով կորցրել է այս թիմում խաղալու ցանկությունն ու մտքերով այլ թիմի հետ է, չի կարող այսպիսի վառ խաղ ցուցադրել: Ոչ մի ստիպողական բան մենք չենք պատրաստվում անել: Դա ճիշտ չի լինի, սակայն մենք մտադիր ենք պահել Օզբիլիսին,- ասել է Մկրտչյանը:
Հետևեք մեզ նաև Telegram-ում