Սիլվա. «ՊՍԺ»-ի նավից փախչելու պատճառ չկա

«ՊՍԺ»-ի կենտրոնական պաշտպան Տիագո Սիլվան հայտարարել է, որ իր անձի նկատմամբ հետաքրքրությունը մեծացել է, սակայն մտադիր է շարունակել ելույթները ֆրանսիական թիմի կազմում:

-Ես այս ընթացքում լռել եմ: Դա նորմալ է, քանի որ այս ժամանակահատվածում մամուլում մի շարք շահարկումներ են լինում: Իհարկե, ինձ համար պատիվ է, որ մարդիկ գնահատում են իմ ու ակումբի աշխատանքը: Շատ ուրախ եմ այստեղ լինելու համար, իսկ ակումբն էլ ուրախ է ինձ տեսնել իր շարքերում: Պատճառ, որպեսզի փախչեմ «ՊՍԺ»-ի նավից, չկա: Ես հավատում եմ ակումբի նախագծին,- ասել է Սիլվան: