«Ռեալի» նախագահ Ֆլորենտինո Պերեսը մեկնաբանել է Կրիշտիանու Ռոնալդուի հետ նոր’ հնգամյա պայմանագրի կնքումը.
-Աշխարհի բոլոր անկյուններում ապրող մեր երկրպագուները պահանջում ու սպասում էին այս գործարքին: Երբ նա եկավ մեզ մոտ, «Սանտյագո Բեռնաբեուն» լեփ-լեցուն էր: Երբեք որևէ նորեկի այդպես չէին ընդունել:
Դրանից հետո, մինչև հիմա նա լիովին նվիրվել է թիմին: Նա իսկական պրոֆեսիոնալի պես զոհում է իրեն հանուն թիմի հաջողության, պահանջկոտ է իր նկատմաբ: Նա ակումբի կազմում 203 խաղում 204 գնդակ է խփել. այս արդյունքն ամեն բանի մասին է խոսում:
Ի դեմս Ռոնալդուի` «Ռեալը» լավագույնին ունի: Ռոնալդուն ֆուտբոլային երազանքներն իրականացնող ֆուտբոլիստ է: Աշխարհի լավագույն ֆուտբոլիստը գիտի, որ «Ռեալը» կա և միշտ իր տունը կմնա,-ասել է Պերեսը:
