Ֆրանսիական «ՊՍԺ»-ի հարձակվող Զլատան Իբրահիմովիչը խոսել է ՉԼ խմբային փուլի առաջին տուրում «Օլիմպիակոսի» հետ արտագնա հանդիպման մասին, որում նրա թիմը հաղթանակ տարավ 4:1 հաշվով։
«Հնարավոր է, որ ինչ-որ մեկը, տեսնելով արդյունքը, մտածի, որ մենք հեշտ հաղթեցինք, բայց դա այդպես չէ։ «Օլիմպիակոսի» երկրպագուները գերազանց մթնոլորտ էին ստեղծել, ինչը առաջին խաղակեսում շատ օգնեց տանտերերին։ Մեր առաջին նպատակը խմբից դուրս գալն է, և մենք կարևոր երեք միավոր վաստակեցինք։ Մեծ հաշվով կարևոր չէ՝ «ՊՍԺ»-ն խմբում առաջի՞նը կլինի, թե՞ երկրորդը, կարևորը փլեյ-օֆֆ դուրս գալն է»,-ասել է Իբրահիմովիչը։
