«Մանչեսթեր Յունայթեդի» հարձակվող Ուեյն Ռունին «Բայերի» հանդեպ 4:2 հաշվով հաղթանակից հետո մեկնաբանել է ակումբի կազմում իր կարիերայի ընթացքում 200 գոլի հեղինակ դառնալը։
«Ես շատ գոհ եմ, որ կարողացել եմ 200 գնդակ խփել այնպիսի ակումբի համար, ինչպիսին «Մանչեսթեր Յունայթեդն» է։ Այդ ամենն այնքան արագ կատարվեց։ Ինձ համար դա մեծ պատիվ է։ Հուսով եմ՝ հետո այդ թիվն ավելի կմեծանա։
Այն պահին, երբ ես չկարողացա մոտենալ դարպասին, անկեղծ ասած՝ չէի կարողանում որոշել՝ ի՞նքս հարվածեմ, թե՞ փոխանցեմ Ռոբին վան Պերսիին։ Հնարավոր է՝ արժեր պարզապես հարված կատարել։ Վերջիվերջո մենք երեք միավոր վաստակեցինք, կարևորը դա է։
Շատ կարևոր էր հաղթել հանուն մեր մարզչի։ Նրա համար Չեմպիոնների լիգային մասնակցությունը նոր փորձ է»,-ասել է Ռունին։
