«Լիվերպուլի» նախկին պաշտպան Ջեյմի Կարագերն իր կարծիքն է հայտնել այն հարցի շուրջ, թե որակազրկման ժամկետի ավարտից հետո խաղադաշտում տեղ տեսնում է արդյոք մերսիսայդյան ակումբի հարձակվող Լուիս Սուարեսի համար:
-Սուարեսը չափազանց լավ ֆուտբոլիստ է նրա համար, որպեսզի խաղադաշտ դուրս չգա: Ճիշտ է, Բրենդան Ռոջերսը խաղային իր համակարգն ունի, սակայն երբ քո տրամադրության տակ այդ մակարդակի ֆուտբոլիստ է, ապա դու պարտավոր ես նրա համար խաղադաշտում տեղ գտնել:
Չգիտեմ’ Սուարեսը միանգամից կընդգրկվի արդյոք մեկնարկային կազմում: Նա, առաջին հերթին, պետք է պատրաստ լինի տվյալ հանդիպմանը: Բայց հետաքրքիր կլինի տեսնել նրա առաջին խաղը որակազրկումից հետո,- ասել է Կարագերը:
