«Լեյքերսի» առաջատար Կոբի Բրայանտը շարունակում է ապաքինվել և չի կարողանա մասնակցել մրցաշրջանի մեկնարկային հանդիպումներին, հաղորդում է Los Angeles Times-ը: «Լեյքերսի» ներկայացուցիչ Ջոն Բլեկն այս առիթով հայտարարել է՝
-Նա հաջողությամբ կատարել է բոլոր աշխատանքները, որոնք այս շրջանում պետք է արվեին: Կոբիի ապաքինմանը նպաստում է նրա ուժը, բայց ոչ ոտքերի, ծնկների և մեջքի: Հնարավոր է՝ նա չկարողանա մասնակցել մրցաշրջանի մեկնարկային հանդիպումներին:
Նշենք, որ «Լեյքերսի» համար մրցաշրջանը մեկնարկում է հոկտեմբերի 29-ին՝ «Կլիպերսի» դեմ հանդիպումով:
