Երեկ «Ռեալի» նախագահ Ֆլորենտինո Պերեսն իսպանական «La Sexta» հեռուստաընկերության «Jugones» հաղորդման հյուրն էր: Պերեսը հաղորդման ժամանակ հերթական անգամ գովաբանեց իր ակումբի առաջատար ֆուտբոլիստ Կրիշտիանու Ռոնալդուին, ում հետ վերջերս երկարաձգեց պայմանագիրը մինչև 2018 թվականը:
«Փառահեղ է ակումբում Ռոնալդուի նման ֆուտբոլիստ ունենալը: Նա այն ֆուտբոլիստներից է, ովքեր դարից դար են հայտնվում: Մեր բախտը բերել է, որ Կրիշտիանուն այստեղ է խաղում:
Բացի այդ «Ռեալի» ծրագրի մեջ են մտնում արտասահմանցի ֆուտբոլիստներ՝ ինչպես օրինակ Բեյլը, և իսպանացի երիտասարդներ՝ ի դեմս Իսկոյի, Իլյարամենդիի և կանտերայի ֆուտբոլիստների»,-հայտարարել է Պերեսը:
