Նոյեր. «Շալկեի» հետ հանդիպմանը չի կարելի վերաբերել որպես սովորական խաղի

Նոյեր. «Շալկեի» հետ հանդիպմանը չի կարելի վերաբերել որպես սովորական խաղի

Մյունխենի «Բավարիայի» դարպասապահ Մանուել Նոյերը նշել է, որ հեշտ չիլինի հաղթել «Շալկե 04»-ին Բունդեսլիգայի 6-րդ տուրի հանդիպման ժամանակ։

«Շալկեին» հաղթելը հեշտ չի լինի՝ հաշվի առնելով, որ նրանք լավ թափ են հավաքել։ Հիմա նրանք շատ լավ են խաղում, և մենք պիտի ամեն ինչ անենք հաղթելու համար։ Եթե «Բավարիան» այդ հանդիպմանը վերաբերվի որպես շարքային խաղի՝ մեզ իսկույն ցույց կտան՝ ինչքան ենք մենք սխալվել։

«Շալկեն» շատ բազմազան հարձակողական կազմ ունի, որում հավաքված են անհատապես ուժեղ ֆուտբոլիստներ։ Մենք պետք է պաշտպանությունում չափազանց հուսալի խաղանք։ Եթե մեզ հաջողվի գտնել պաշտպանության և հարձակման պահանջվող հավասարակշռությունը, ապա թիմը կկարողանա երեք միավոր վաստակել»,-ասել է Նոյերը։

Հետևեք մեզ նաև Telegram-ում