Օբամեյանգ. Վճռական ենք տրամադրված

Դորտմունդի «Բորուսսիայի» հարձակվող Պիեռ-Էմերիկ Օբամեյանգը հայտարարել է, որ մարտական է տրամադրված Մարսելի «Օլիմպիկի» դեմ խաղին: Թիմերը մրցելու են Չեմպիոնների լիգայի խմբային փուլի վերջին տուրի շրջանակում վաղը:

««Օլիմպիկը» բարդ իրավիճակում է, և միայն մեզանից է կախված’ դրանից կկարողանանք օգուտ քաղել, թե ոչ: Հեշտ չի լինելու, բայց մենք վճռական ենք տրամադրված: Մեր նպատակն արժանավայել խաղ ցուցադրելը և հաջորդ փուլի ուղեգիր նվաճելն է:

Չնայած կադրային խնդիրներին, ես հավատում եմ մեր պաշտպաններին և վստահ եմ, որ վաղը հիանալի խաղ է լինելու»,-Օբամեյանգի խոսքերը մեջբերում ենք ՈւԵՖԱ-ի պաշտոնական կայքից: