Ռոնալդուն կմասնակցի «Ոսկե գնդակի» մրցանակաբաշխությանը

«Ռեալի» հարձակվող Կրիշտիանու Ռոնալդուն, ամենայն հավանականությամբ, ներկա կգտնվի «Ոսկե գնդակի» հանձնման պաշտոնական արարողությանը: Մրցանակաբաշխությունը տեղի կունենա 2014թ. հունվարի 13-ին:

Ավելի վաղ տեղեկություններ կային, որ պորտուգալացին ՖԻՖԱ-ի նախագահ Բլատերի հետ ունեցած տարաձայնությունների պատճառով չի մասնակցի մջոցառմանը: 

Cadena Cope իսպանական ռադիոն հայտնում է, որ Բլատերի հետ հեռախոսազրույցից հետո Ռոնալդուն մտափոխվել է ու մասնակցելու է 2013-ի աշխարհի լավագույն ֆուտբոլիստի պարգևատրման արարողությանը: 

Հիշեցնենք, որ այդ տիտղոսի համար պայքարում են Կրիշտիանու Ռոնալդուն, Լիոնել Մեսսին և Ֆրանկ Ռիբերին: