Մադրիդի «Ռեալի» գլխավոր մարզիչ Կարլո Անչելոտին Իսպանիայի առաջնության 22-րդ տուրի Բիլբաոյի «Ատլետիկի» դեմ խաղի (1:1) վերաբերյալ իր մեկնաբանություններն է տվել:
«Մենք լավ հանդիպում անցկացրինք: Գրագետ էինք գործում հատկապես երկրորդ խաղակեսի ընթացքում: Առաջինը մենք գոլ խփեցինք, վերահսկում էինք խաղը: «Ատլետիկը» ֆանտաստիկ գոլ խփեց, բայց ես գոհ եմ մեր ցուցադրած խաղից»,-ասել է Անչելոտին հետխաղյա մամուլի ասուլիսի ժամանակ:
Իտալացի մասնագետն անդրադարձել է նաև հարձակվող Կրիշտիանու Ռոնալդուի հեռացմանը:
«Ռոնալդուի հեռացման վերաբերյալ դատողություններ անելը բարդ է: Տեսագրությունները ցույց են տալիս, որ այդ դրվագը մի փոքր չափազանցվեց»,-Անչելոտիի խոսքերը մեջբերել է AS-ը:
