Մոուրինյու. Այս հաղթանակը թիմի մերսողի շնորհիվ էր

Անգլիայի առաջնության 24-րդ տուրում «Մանչեսթեր Սիթիի» նկատմամբ արտագնա հաղթանակից հետո (0:1) «Չելսիի» գլխավոր մարզիչ Ժոզե Մոուրինյուն հայտարարել է, որ խաղից առաջ ոչ թե ինքն է զրուցել ֆուտբոլիստների հետ, այլ թիմի մերսող Բիլլի Մաքկալոխը։

-Ես թիմին ոչինչ չեմ ասել դաշտ դուրս գալուց առաջ։ Նրանց համար ճառ է արտասանել մեր մերսողը՝ Բիլլի Մաքկալոխը, բայց նա այնպիսի արտահայտված շոտլանդական առոգանություն ունի, որ ես ոչինչ չհասկացա։ Դրանից հետո խաղացողները շնորհակալություն հայտնեցին նրան և քաջալերեցին միմյանց դաշտ դուրս գալուց առաջ, այնպես որ դա Բիլլիի շնորհիվ էր։

Ես խաղացողների հետ վերջին անգամ զրուցել եմ կեսօրին, լուրջ եմ ասում։ Իսկ Բիլլին հոյակապ էր։ Կարծում եմ, որ ֆուտբոլիստները, ի տարբերություն ինձ, նրան ճիշտ հասկացան,-ասել է Մոուրինյուն։