«Արսենալի» գլխավոր մարզիչ Արսեն Վենգերը կարծում է, որ այս մրցաշրջանում Անգլիայի առաջնության չեմպիոն կհռչակվի այն թիմը, որն առավել կայուն խաղ կցուցադրի: 24 տուրից հետո Վենգերի թիմը վաստակել է 55 միավոր և գլխավորում է մրցաշարային աղյուսակը` երկու միավորի առավելություն ունենալով «Մանչեսթեր Սիթիի» և «Չելսիի» նկատմամբ:
«Տիտղոսի համար պայքարը երբեք այնքան հեշտ չի լինում, որքան ի սկզբանե պատկերացնում են: Ես վաղուց եմ ասել` թիմերը միմյանց նկատմամբ միավորների մեծ առավելություն չեն ունենա: Ամեն ինչ որոշելու է կայունությունը:
«Չելսին» միշտ վտանգավոր է, իսկ «Մանչեսթեր Սիթին», ինձ թվում է, հոգնել է: «Չելսիի» դեմ խաղում նրանք ֆիզիկապես այնքան ուժեղ չէին, որքան «Տոտենհեմի» դեմ հանդիպման ժամանակ:
Հունվարից մարտ ընկած ժամանակահատվածում յուրաքանչյուր խաղ մարտ է, քանի որ բոլոր թիմերը պայքարում են ինչ-որ բանի համար»,-ֆրանսիացի մասնագետի խոսքերը մեջբերում ենք «Արսենալի» պաշտոնական կայքից:
