Ստոկհոլմում գլխիվայր կախել են Էրդողանի խրտվիլակը
Նմանատիպ
Շվեդիայի մայրաքաղաք Ստոկհոլմում գլխիվայր կախել են Թուրքիայի նախագահ Ռեջեփ Թայիփ Էրդողանի խրտվիլակը։
Ակցիայի կազմակերպիչը քրդական «Ռոժևա կոմիտե» կազմակերպությունն է, որը Էրդողանին բռնապետ է անվանել և հորդորել հրաժարական տալ։
Ի պատասխան՝ Թուրքիան Շվեդիայի դեսպանին հրավիրել է ԱԳՆ պարզաբանմանումներ ստանալու համար։
Խրտվիլակի կախաղանի ներկայացման տեսանյութն ու լուսանկարները տարածվել են «Ռոժևա կոմիտեի» Twitter-ի էջում։
«Պատմությունը ցույց է տալիս, թե որքան հաճախ են վատ ավարտում բռնապետները, ուստի՝ հանուն բոլորի, Էրդողան, օգտվի՛ր հնարավորությունից և հրաժարվի՛ր իշխանությունից, որպեսզի գլխիվայր չհայտնվես Թաքսիմ հրապարակում», – գրել է Ռոզավայի կոմիտեն Twitter-ում:
Շվեդիայի քրդերի գործողությունները բազմիցս նյարդայնացրել են Թուրքիային, նրանց պահվածքը պատճառներից մեկն է, որ Թուրքիան դեռ չի վավերացրել ՆԱՏՕ-ին անդամակցելու Շվեդիայի դիմումը։
Թուրքիայի փոխնախագահ Ֆուատ Օկտայը կատարվածի կապակցությամբ հայտարարել է.
«Մինչ Ստոկհոլմը թույլ է տալիս ահաբեկչական կազմակերպություններին և նրանց աջակիցներին ժողովրդավարության պատրվակով հակաթուրքական գործունեություն ծավալել, Անկարան չի կարող ՆԱՏՕ-ին միանալու համար Շվեդիայի առաջ կանաչ լույս վառել»։
Հետևեք մեզ նաև Telegram-ում