Նեգրեդո. Պույոլը իր սերնդի լավագույն ֆուտբոլիստներից է

«Մանչեսթեր Սիթիի» հարձակվող Ալվարո Նեգրեդոն խոսել է «Բարսելոնայի» ավագ Կառլես Պույոլի հեռանալու մասին: Հիշեցնենք, որ այսօր հրավիրված մամուլի ասուլիսի ժամանակ Կառլես Պույոլը հայտարարեց` մրցաշրջանի ավարտից հետո հեռանալու է «Բարսելոնայից»:

-Պույոլն իր ամբողջ կարիերայի ընթացքում բոլորին ամեն ինչ ապացուցեց: Նա իր սերնդի լավագույններից է: Նա լավագույնն է եղել նաև Իսպանիայի հավաքականում: Գուցե նա տեխնիկապես ամենալավը պատրաստված չէ, բայց բազում այլ կարևոր հատկանիշեր ունի: Նա իսկական հաղթող է,-հայտարարել է Նեգրեդոն: