Անգլիայի հավաքականի գլխավոր մարզիչ Ռոյ Հոջսոնը խոսել է Դանիայի հավաքականի հետ ընկերական հանդիպման ժամանակ (1:0) «Արսենալի» խաղացող Ջեք Ուիլշերի ստացած վնասվածքի մասին։
-Միշտ ցավալի է, երբ ֆուտբոլիստը գալիս է ակումբից և վնասվածք ստանում հավաքականում։
Դա շատ տխուր է, ես հասկանում եմ՝ ինչքան վշտացած են Ջեքն ու «Արսենալը», սակայն նման բաներ էլ են պատահում։
Այդ դրվագում իսկական պայքար էր, Ուիլշերը ոտքին կոշտ հարված ստացավ. հույս ունեմ՝ նա հնարավորինս շուտ կապաքինվի,-ասել է Հոջսոնը։
