«Լիվերպուլի» հարձակվող Դենիել Սթարիջը խոստովանել է, որ անցյալի հայտնի ֆուտբոլիստների խաղերի տեսագրությունները դիտելն օգնում է իրեն սեփական վարպետությունը կատարելագործել։
-Ես այնքան շատ տեսագրություններ եմ նայել տարբեր ֆուտբոլիստների մասնակցությամբ։ Օրինակ, չորեքշաբթի առավոտյան ես Մարադոնայի խաղերն էի դիտում և փորձում ինչ-որ բան սովորել։
Պատրաստվում եմ նայել, թե ինչպես էին խաղում Օուենը, Պելեն, Ռոնալդոն. նրանք բոլորն ինձնից առաջ են խաղացել, և ես ուզում եմ կատարելագործվել՝ նրանցից սովորելով։
Նաև հոլանդացի մարզիչ Վիլյա Կորվերի՝ դրիբլինգի մարզումներն եմ դիտել։
Կարևոր չէ՝ քանի տարեկան եմ և որտեղ եմ խաղում, գլխավորը միշտ աճելն է,-համոզված է Սթարիջը։
