«Բարսելոնայի» կիսապաշտպան Անդրես Ինյեստան չի մասնակցի Իսպանիայի առաջնության 27-րդ տուրի «Վալյադոլիդի» դեմ խաղին: Այս մասին տեղեկացնում է «Marca»-ն:
Ֆուտբոլիստը հանդիպումը բաց կթողնի անձնական պատճառներով: Նրա փոխարեն հայտացուցակում ընդգրկվել է Աֆելայը:
Նշենք նաև, որ հայտացուցակ է վերադարձել պաշտպան Խերարդ Պիկեն, ով երկու շաբաթ բացակայել է վնասվածքի պատճառով: Պույոլն ու Սոնգը չեն խաղա մարզչական շտաբի որոշմամբ, իսկ Պինտոն շարունակում է ապաքինվել վնասվածքից:
