Անչելոտի. Մենք զիջում էինք 6 միավոր, իսկ հիմա առաջատար ենք

Անչելոտի. Մենք զիջում էինք 6 միավոր, իսկ հիմա առաջատար ենք

Մադրիդի «Ռեալի» գլխավոր մարզիչ Կարլո Անչելոտին իր մեկնաբանություններն է տվել Իսպանիայի առաջնության 27-րդ տուրի «Լևանտեի» դեմ հանդիպման վերաբերյալ: Հիշեցնենք, որ «Ռեալը» 3:0 հաշվով հաղթանակ տոնեց:

-Մենք խաղում էինք այնպիսի կենտրոնացվածությամբ և հավասարակշռվածությամբ, ինչպես խաղացել ենք նախորդ հանդիպումների ժամանակ: Այժմ պետք է մտածենք հաջորդ խաղի մասին, պետք է ձգտենք հաղթել այդ խաղում: Մենք զիջում էինք 6 միավոր, իսկ հիմա առաջատար ենք: «Ռեալը» լավ է հանդես գալիս Իսպանիայի առաջնությունում և մյուս մրցաշարերում: Թիմում մթնոլորտը հիանալի է, այնպես որ, պետք է շարունակենք նույն ոգով:

Կարևոր է շատ բաների մասին չմտածել և կենտրոնանալ կոնկրետ խաղերի վրա: Կարևոր է հենց չեմպիոնությունը, ոչ թե դրան հասնելու ճանապարհը,-Անչելոտիի խոսքերը մեջբերել են իսպանական լրատվամիջոցները:

Հավելենք` այժմ «Ռեալն» ունի 67 միավոր, ինչը 3 միավորով ավելի է երկրորդ տեղում ընթացող «Ատլետիկոյից»:

Հետևեք մեզ նաև Telegram-ում