Ջոկովիչ. Նման մակարդակի հանդիպումներում իրավունք չունեի կորցնելու կենտրոնացումս

Աշխարհի երկրորդ ռակետ սերբ Նովակ Ջոկովիչը, Ինդիան Ուելսի մրցաշարում հաղթելով կոլումբիացի Ալեխանդրո Գոնսալեսին 6:1, 3:6, 6:1 հաշվով, մեկնաբանել է հանդիպումը։

-Որոշ ժամանակ պահանջվեց, մինչև վարժվեցի նրա խաղին, բայց ամենասկզբից էլ լավ էի խաղում։ Եվ հանկարծ կորցրի կենտրոնացումս, անհասկանալիորեն զիջեցի նրան երկրորդ սեթը։ Սակայն երրորդում կարողացա վերագտնել ինձ։

Նմսն մակարդակի հանդիպումներում, ինչ խոսք, ես իրավունք չունեի կորցնել կենտրոնացումս։ Հաջորդ խաղում, երբ հանդիպեմ Մարին Չիլիչին, նման սխալն աններելի կլինի. նա գերազանց մարզավիճակում է, այնպես որ պետք կլինի ամբողջ ընթացքում իմ լավագույն ունակությունները ցուցադրել,-ասել է Ջոկովիչը։