Երեք օր առաջ Պենտագոնի խոսնակ Փաթրիք Ռայդերը հայտարարել էր, որ Միացյալ Նահանգների օդային տարածքում չինական հետախուզական օդապարիկ է հայտնաբերվել։
Վերջինս նաև նշել էր, որ օդապարիկը գտնվում է «մեծ բարձրության վրա, և մարդկանց համար ռազմական կամ ֆիզիկական վտանգ չի ներկայացնում»:
Չինական կողմը չէր հերքել այն փաստը, որ օդապարիկը հենց Չինաստանին է պատկանում, բայց նաև նշել, որ այն հետախուզական չէ և օգտագործվում է օդերևութաբանական չափումների համար։
Չինական կողմի պարզաբանումները չեն բավարարել պաշտոնական Վաշինգտոնին, որը շարունակում է հետախուզական համարել չինական աէրոստատը։ Իսկ քիչ առաջ տեղեկատվություն ստացվեց, որ ամերիացիները խոցել են արդեն օրեր շարունակ ԱՄՆ օդային տարածքում և համաշխարհային մամուլի առաջին էջերում թևածող աէրոստատը։
