Պուտինը հանձնարարել է պատրաստվել ռուսական միջուկային զենքի փորձարկմանը
Նմանատիպ
Ռուսաստանը դադարեցնում է մասնակցությունը Ռազմավարական հարձակողական սպառազինությունների պայմանագրին, հայտարարել է ՌԴ նախագահ Վլադիմիր Պուտինը Դաշնային ժողովին ուղղված ուղերձում։
Բացի այդ, նա հանձնարարել է պաշտպանության նախարարությանը և «Ռոսատոմ»-ին ապահովել պատրաստվածությունը ռուսական միջուկային զենքի փորձարկման համար։
Ինչպես պարզաբանել է Պուտինը, ՆԱՏՕ-ն Ռուսաստանից պահանջում է վերադառնալ Ռազմավարական հարձակողական սպառազինությունների պայմանագրին, ներառյալ ռուսական օբյեկտներ արևմտյան փորձագետների ընդունումը, բայց դա, ըստ ՌԴ նախագահի, «ներկայիս պայմաններում աբսուրդի թատրոն է»։
Այս պայմաններում, ինչպես ասել է Պուտինը, Ռուսաստանը ստիպված է դադարեցնել իր մասնակցությունը ռազմավարական հարձակողական սպառազինությունների պայմանագրին։
«Ռուսաստանը պայմանագրից դուրս չի գալիս, ո՛չ, այլ կասեցնում է իր մասնակցությունը․․․Ռուսաստանն առաջինը չի անի դա (միջուկային զենքի փորձարկում․ խմբ․), բայց եթե ԱՄՆ-ն փորձարկի, մենք նույնպես կփորձարկենք մեր միջուկային արսենալը»,- եզրափակել է ՌԴ նախագահը։
Հետևեք մեզ նաև Telegram-ում