Սուբիսարետա. Բոլոր ակումբներն էլ այդպես են վարվում, բայց միայն «Բարսային» պատժեցին
06/04/2014 12:26
Նմանատիպ
«Բարսելոնայի» մարզական տնօրեն Անդոնի Սուբիսարետան մեկնաբանել է ՖԻՖԱ-ի կողմից թիմի նկատմամբ սահմանված տրանսֆերային արգելքը՝ կապված երիտասարդ խաղացողների պայմանագրերում օրենքների խախտումների հետ։
-ՖԻՖԱ-ի պատիժն անարդար է։ Մենք միշտ հանգիստ ենք եղել, քանի որ համոզված էինք՝ օրենքի շրջանակում ենք գործում։ Այստեղ խնդիրը ՖԻՖԱ-ի 19-րդ հոդվածի տարընթերցումների մեջ է։
Ամբողջ աշխարհում բազմաթիվ նման իրավիճակներ են լինում, որոշ ակումբներ այնպես են գործում, ինչպես մենք։ Սակայն միայն «Բարսելոնայի» նկատմամբ են պատժամիջոցներ կիրառում։
Մենք կպաշտպանենք մեր իրավունքները։ Եթե նրանք պատիժն ուժի մեջ մտցնեն, ապա կդիմենք Լոզանի բարձրագույն դատարան՝ բողոքարկման համար։ Կփորձենք այդ միջոցով հասնել պատժի վերացմանը,-ասել է Սուբիսարետան։
Հետևեք մեզ նաև Telegram-ում