Հավակնորդների մրցաշարի չեմպիոն Վիշվանաթան Անանդը «Headlines Today»-ի եթերում ասել է, որ վերոնշյալ առաջնությունում հաղթանակն իր համար օդի պես կարևոր էր:
-Խանտի Մանսիյսկում հաղթանակն ինձ համար օդի պես կարևոր էր: Այնպիսի զգացողություն էր, որ մինչ այս կար թթվածին պակաս, իսկ այժմ կրկին կարող եմ հանգիստ շնչել: Մոտիվացիայի և ինքնավստահության բարձրացման համար այդ հաղթանակը շատ կարևոր էր: Պետք է խոստովանեմ, որ արդյունքն ինձ համար անակնկալ էր: Իհարկե, Խանտի Մանսիյսկ էի ժամանալ լավ արդյունքի ակնկալիքով, բայց… Այն, ինչ տեղի ունեցավ, պարզապես հիանալի էր:
Մրցաշարից առաջ ես չէի կարդում իմ` թոշակի գնալու մասին լուրերը: Դրանք կարդալու իմաստ չէի տեսնում: Նման տեղեկատվությունը կարող է հուսահատեցնել: Միայն մրցաշարի ավարտից հետո իմացա, թե իմ հաղթանակի համար ինչ գործակիցներ են սահմանել բուքմեյքերական ընկերությունները: Ինչ արած, հաղթանակից հետո կարելի է միայն ծիծաղել այդ ամենի վրա,-ասել է Անանդը:
Հիշեցնենք նաև, որ նոյեմբերին Վիշվանաթան Անանդը Մագնուս Կարլսենի հետ կվիճարկի աշխարհի նոր չեմպիոնի կոչումը:
