«Սան Անտոնիոյի» պաշտպան Թոնի Պարկերը մեջքի հատվածում ցավերի պատճառով չկարողացավ մինչև վերջ մասնակցել Բասկետբոլի ազգային ասոցիացիայի (NBA) կանոնավոր առաջնության «Մեմֆիսի» դեմ խաղին: Ֆրանսիացի խաղացողը վերոնշյալ հանդիպմանը մասնակցեց ընդամենը 9 րոպե:
«San Antonio Express-News»-ը հաղորդում է, որ այսօր Պարկերը բուժզննում կանցնի, որից հետո պարզ կդառնա վնասվածքի լրջությունը:
Հավելենք` ընթացիկ մրցաշրջանում Թոնի Պարկերը մասնակցել է 65 խաղի, յուրաքանչյուր հանդիպման ընթացքում վաստակել է միջինը 16,8 միավոր և կատարել է 5,8 փոխանցում:
