«Ռուսաստանի Դաշնության կենտրոնական բանկի ղեկավար Էլվիրա Նաբիուլինան մոտ ապագայում կայցելի Իրան»-, հայտարարել է Ռուսաստանում Իրանի դեսպան Քազեմ Ջալալին։
Դիվանագետը նշել է, որ սա պատասխան այց է. Իրանի կենտրոնական բանկի նախագահ Մոհամմադ Ռեզա Ֆարզինը Մոսկվա էր եկել 2022 թվականին։
Հունվարին Ֆարզինը հայտնել էր, որ Իրանի և Ռուսաստանի կենտրոնական բանկերը համաձայնագիր են ստորագրել երկու երկրների միջև ֆինանսական և բանկային գործարքների դյուրացման ուղղությամբ։
Այս պահին երկու կենտրոնական բանկերի մի խումբ մասնագետներ աշխատում են թե՛ Մոսկվայում, թե՛ Թեհրանում՝ «Միր» և «Շետաբ» վճարային համակարգերը համապատասխանաբար Իրանում և Ռուսաստանում միացնելու ուղղությամբ։
Համակարգի գործարկումը, ինչպես նշել է Իրանի դեսպանը, հնարավոր է արդեն 2023 թվականին։
