Այրված զորամասի գործով մեկ հոգի կալանավորվել է
Նմանատիպ
ՔԿ մամուլի խոսնակ Գոռ Աբրահամյանը իր ֆեյսբուքյան էջում մանրամասներ է հայտնել Ազատ գյուղում այրված զինվորական կացարանի դեպքի մասով։
«ՀՀ ՊՆ զորամասի ինժեներասակրավորային վաշտի անձնակազմի կացարանում տեղի ունեցած հրդեհի և զինծառայողների մահվան դեպքի առթիվ քննվող քրեական վարույթի շրջանակում երեկ վարույթն իրականացնող մարմնի կողմից միջնորդություն է ներկայացվել Երևան քաղաքի ընդհանուր իրավասության առաջին ատյանի դատարան՝ մեղադրյալ, նույն զորամասի ինժեներական ծառայության սպա, կապիտան Ե.Հ.-ի նկատմամբ կալանքը որպես խափանման միջոց ընտրելու վերաբերյալ։
Գիշերը, դատարանը բավարարել է միջնորդությունը, և մեղադրյալը կալանավորվել է։
Հիշեցնեմ՝ ինժեներական ծառայության սպա, կապիտան Ե.Հ.-ին նշված վարույթով մեղադրանք էր առաջադրվել ՀՀ քրեական օրենսգրքի 532-րդ հոդվածի 4-րդ մասով։
Մինչ այս նա գտնվում էր բժշկական հաստատությունում»,- գրել է նա։
Հետևեք մեզ նաև Telegram-ում