Մեծ Բրիտանիան պատժամիջոցներ է սահմանել որոշ սիրիացիների նկատմամբ

Մեծ Բրիտանիան պատժամիջոցներ է սահմանել որոշ սիրիացիների նկատմամբ

Մեծ Բրիտանիայի կառավարությունը նոր պատժամիջոցներ է սահմանել Սիրիայի որոշ քաղաքացիների դեմ, որոնք ենթադրաբար կապված են թմրանյութերի առևտրի հետ: Այս մասին ասվում է Միացյալ Թագավորության ԱԳՆ-ի տարածած հաղորդագրության մեջ։

Սահմանափակումները, որոնք ենթադրում են Միացյալ Թագավորություն մուտքի արգելք և ակտիվների սառեցում, եթե հայտնաբերվեն, տարածվում են գործարարներ Աբդել Լաթիֆ Համիդի, Թահեր ալ-Քայալիի և Մուհամեդ Շալիշի, սիրիական անվտանգության բարձրաստիճան պաշտոնյաներ Մուստաֆա ալ-Մասալմայի և Ռաջա Ֆալխուտի, ինչպես նաև քաղաքական գործիչ Ամեր Հիթի վրա։

Բացի այդ, ԱՄՆ հետ միասին բրիտանական իշխանությունները պատժամիջոցներ են կիրառել ևս հինգ անձի նկատմամբ, որոնց թվում են Սիրիայի նախագահ Բաշար ալ-Ասադի երկու զարմիկների:

Հետևեք մեզ նաև Telegram-ում