Իսրայելը քարոզչական նոր դիվերսիա է իրականացրել Իրանի դեմ
Նմանատիպ
Իրանի վերջին շահական արքայատոհմի՝ Փահլավիների վտարանդի թագաժառանգ Շահզադե Ռեզա Փահլավին մասնակցել է Հոլոքոստի զոհերի հիշատակի միջազգային օրվա առթիվ կազմակերպված արարողությանը։
Իսրայելական մամուլում տարածվում է Շահզադե Ռեզայի, Իսրայելի վարչապետի, վերջինիս կնոջ և Իսրայելի հետախուզության ղեկավարի համատեղ լուսանկարը։
«Այսօր, երբ Իրանի վարչակարգը հերքում է Հոլոքոստը, ես պետք է այստեղ լինեմ՝ ներկայացնելու իմ ժողովրդին և հարգանքի տուրք մատուցելու փրկվածներին», – ասել է Փահլավին իսրայելցի լրագրողներին:
Թագաժառանգի այցելության նախօրեին Իսրայելի կառավարության ղեկավարի գրասենյակի տարածած պաշտոնական հաղորդագրության համաձայն՝ նրա այցի նպատակն է «ամրապնդել հարաբերությունները Իսրայելի և Իրանի ժողովուրդների միջև» և «կամուրջ ստեղծել Իսրայելի և իրանական ժողովրդի միջև»: Գիլա Գամլիել հետ հանդիպմանը Շահզադեն վստահություն է հայտնել, որ «ժողովրդավարական Իրանը կձգտի նորացնել իր կապերը Իսրայելի հետ»։ Ռեզա Փահլավին վստահություն է հայտնել, որ «այդ օրն ավելի մոտ է, քան երբևէ»։
Հետևեք մեզ նաև Telegram-ում