Իրանի Ազգային բանակի օրվա տոնակատարությունների շրջանակում անցկացվող զորահանդեսի ընթացքում իրանական կողմը սպառազինության բազում նոր համակարգեր՝ այդ թվում անօդաչու թռչող սարքեր է ցուցադրել։ 

Բեռնատարների վրա ցուցադրվել են բազմաֆունկցիոնալ հետախուզական-հարվածածյին Mojaher-6 անօդաչու թռչող սարքեր, ինչպես նաև Qods Raad 85 պարեկող զինամթերք և ռեակտիվ հարվածային դրոններ HESA Karrar, Kian-1 ու Kian-2: Վերջիններս համալրված են նաև ռադիոէլեկտրոնային պայքարի համակարգերով։

Իրանական կողմը ցուցադրել է նաև թեթև ուղղաթիռների վրա ամրագրվող ԱԹՍ-ներ և կամիկաձե-դրոններ։ Ռազմական փորձագետները նշում են, որ ցուցադրված ԱԹՍ-ներից մեկը նման չէ նախկինում Իրանի սպառազինության մեջ մինչ օրս առկա որևէ այլ ԱԹՍ-ի։ Կարմիր-սև գույներով ներկված թռչող սարքը իրանական արտադրության նորություն է։