Մոլդովան կհրաժարվի ԱՊՀ շրջանակում կնքված համաձայնագրերի մի մասից

Մոլդովայի իշխանություններն ուսումնասիրում են Անկախ Պետությունների Համագործակցության (ԱՊՀ) շրջանակում ստորագրված համաձայնագրերը, «ինչից հետո կառաջարկեն դուրս գալ որոշ փաստաթղթերից», չորեքշաբթի ՝ ապրիլի 26-ին տեղեկացրել է հանրապետության նախագահ Մայա Սանդուն Jurnal TV հեռուստաալիքի հարցազրույցում։

Ըստ Սանդուի՝ վերջին 30 տարում ստորագրվել են «հարյուրավոր» համաձայնագրեր։ «Ամեն տարի ստորագրվել են փաստաթղթեր, որոնցից շատերը պետք չէին։ Այժմ այդ ամենն ուսումնասիրվում է»,- նշել է նա։

Նախագահը նաեւ նշել է, որ Մոլդովայի ռազմավարական խնդիրն է եվրոպական ինտեգրումը։ «Ես հավատում եմ, որ Մոլդովան կարող է դառնալ Եվրամիության անդամ մինչեւ այս տասնամյակի վերջը»,- ասել է Սանդուն։

Ավելի վաղ արտաքին գործերի եւ եվրոպական ինտեգրման նախարար Նիկու Պոպեսկուն ասել էր, որ Մոլդովայի կառավարությունը սկսել է ԱՊՀ շրջանակում ստորագրված համաձայնագրերի չեղարկման գործընթացը։ Ներկայում դիտարկվում է Համագործակցությունում մնալու նպատակահարմարության հարցը։