Ուկրաինական ստորաբաժանումները կատաղի մարտերի արդյունքում հետ են մղել ռուսական ուժերին Բախմուտի որոշ դիրքերից։
Այս մասին գրում է Reuters գործակալությունը՝ հղում անելով ուկրաինացի բարձրաստիճան գեներալի։
Ըստ հրապարակման՝ Սպիտակ տան տվյալներով դեկտեմբերից ի վեր Ուկրաինայում 20 հազար ռուս զինվորական է սպավել։
«Իրավիճակը (Բախմուտում) բավականին բարդ է»,- ասել է ուկրաինացի ցամաքային զորքերի հրամանատար, գեներալ-գնդապետ Օլեքսանդր Սիրսկին Telegram-ում արված հայտարարության մեջ։
«Միևնույն ժամանակ քաղաքի առանձին հատվածներում հակառակորդը հակահարձակման է ենթարկվել մեր ստորաբաժանումների կողմից և լքել որոշ դիրքեր», – գրել է նա։
Ուկրաինայի արևելքում գտնվող Բախմուտ քաղաքի համար 10 ամիս տևող մարտերը խորհրդանշական նշանակություն են ստացել երկու կողմերի համար։ Բախմուտը դարձել է պատերազմի հենակետը, որտեղ առաջնագծի փոփոխություններ 2022թ-ի վերջից իվեր գրեթե չեն եղել։ Երկու կողմերը փորձում են բեկում մտցնել պատերազմի մեջ՝ ճեղքելով Բախմուտի բնագիծը։
