Իտալական Ա սերիայի 33-րդ տուրում «Նապոլին» արտագնա ոչ-ոքի խաղաց «Ուդինեզեի» հետ ու նվաճեց Իտալիայի չեմպիոնի տիտղոսը: Թիմերը փոխանակեցին մեկական գնդակ: Հյուրերի կազմում գոլ խփեց Օսիմենը:
Այս խաղից հետո Սպալետիի թիմը միավորների քանակը հասցրեց 80-ի և անհասանելի դարձավ մյուս թիմերի համար:
Այս չեմպիոնությունը «Նապոլիի» համար առաջինն է վերջին 33 տարում և 3-րդը պատմության մեջ:
Վերջին անգամ ակումբը չեմպիոն է դարձել, երբ Դիեգո Մարադոնան խաղում էր նեապոլյան թիմում:
