Քըլըչդարօղլու․Սա Թուրքիայի պատմության ամենաանարդար շրջանն է

Թուրքիայում նախագահի ընդդիմադիր թեկնածու Քեմալ Քըլըչդարօղլուն ընտրություններն անվանել է երկրի պատմության ամենաանարդար ժամանակաշրջաններից մեկը։

Նա ասել է, որ ընթացիկ ընտրություններից հետո շարունակելու է պայքարել Թուրքիայում ժողովրդավարության համար

«Մենք ապրել ենք ամենաանարդար ընտրական գործընթացը վերջին տարիներին»,- ասել է Քըլըչդարօղլուն՝ ելույթ ունենալով Անկարայում։

Նա նշել է, որ իր վրա ճնշում է գործադրվել։

Ընդդիմադիր գործչի ելույթը հրապարակված է նրա թվիթերյան էջում։

Հիշեցնենք, որ երեկ՝ մայիսի 28-ին, Թուրքիայում կայացած նախագահական ընտրությունների 2-րդ փուլի արդյունքով 52 տոկոս ձայներով նախագահ է վերընտրվել Ռեջեփ Թաիփ Էրդողանը։