Ուկրաինան հայտնել է, որ Ռուսաստանը Իսկանդերով հարվածել է Կիևին

Ուկրաինայի զինված ուժերի գլխավոր հրամանատար Վալերի Զալուժնին հաստատել է Կիևի և տարածաշրջանի վրա ցերեկային հարձակման ժամանակ բալիստիկ հրթիռների կիրառումը։

Այս մասին գրում է Deutsche Welle-ն։

«Օրվա ընթացքում երկրորդ անգամ հակառակորդը հրթիռային հարված է հասցրել Ուկրաինայի տարածքին: Ժամը 11։30-ի սահմաններում «Իսկանդեր ՕՏՌԿ»-ից ցամաքային բալիստիկ և թևավոր հրթիռներով գրոհել է Կիևի շրջանը»,- գրել է Զալուժնին Telegram-ի իր ալիքում:

Արձակվել է «Իսկանդեր-Մ» և «Իսկանդեր-Կ» տեսակի ընդհանուր 11 հրթիռ հյուսիսային ուղղությամբ։ Նշվում է, որ բոլոր թիրախները ոչնչացվել են Ուկրաինայի հակաօդային պաշտպանության ուժերի և միջոցների կողմից։

Ռուսական կողմը չի մեկնաբանում այս տեղեկությունը։