Ռուսական ընկերությունները միտված են ներդրումներ կատարել Իրանում 

Իրանի ազգային նավթային ընկերության գործադիր տնօրեն Մորթեզա Շահմիրզայը, ով նաև Իրանի նավթի փոխնախարարն է, հայտարարել է, որ ռուսական շատ ընկերություններ հետաքրքրված են նավթի և գազի վերամշակման ոլորտում ներդրումներ կատարել Իրանում։

«Ռուսական ընկերություններն այս ոլորտում արդեն տարբեր գրավիչ ներդրումային փաթեթներ են պատրաստել։  Բարեբախտաբար, Իրանի նավթաքիմիական արդյունաբերության հզորություններն աճել են՝ չնայած 44 տարվա կոշտ և բարդ պատժամիջոցներին։ Ինչպես վկայում են օտարերկրյա ընկերությունները, այդ թվում՝ ռուսական, Իրանի նավթաքիմիական արդյունաբերությունը Մերձավոր Արևելքում առաջատարներից է»,- հայտարարել է Մորթեզա Շահմիրզայը:

Իրանի ազգային նավթային ընկերության գործադիր տնօրեն, Իրանի նավթի փոխնախարարը Մորթեզա Շահմիրզայն վերոնշյալի մասին խոսել է Rosplast 2023 պլաստմասսային արդյունաբերության սարքավորումների և նյութերի 13-րդ միջազգային ցուցահանդեսի ժամանակ։