Ուկրաինական անօդաչուն ընկել է Վորոնեժում բնակելի տան վրա

Վորոնեժում ուկրաինական անօդաչու թռչող սարքը ընկել է բնակելի տան վրա։ Նախնական տվյալներով 3 մարդ վիրավորում է ստացել։

Այս մասին իր տելեգրամյան ալիքում հայտնել է Վորոնեժի մարզի նահանգապետ Ալեքսանդր Գուսևը։

«Ապակու բեկորների պատճառով վնասվածքներ են ստացել 3 մարդ, նրանց տեղում օգնություն է ցուցաբերվել, մարդիկ հրաժարվել են հոսպիտալացումից»,- ասաց նա։

Անօդաչու թռչող սարքի կողմից տուժած շենքի բնակիչներին աջակցություն կտրամադրվի, տարածաշրջանի իշխանությունները հրատապ խորհրդակցություն կանցկացնեն՝ միջադեպը վերլուծելու համար, ասել է Գուսևը։

Գուսևը հավելել է, որ թռչող սարքը ընկել է տան դատարկ սենյակի մեջ, որտեղ մարդիկ չեն եղել։

Նշենք, որ վերջին շրջանում հաճախացել են ուկրաինական անօդաչու թռչող սարքերի գրոհները Ռուսաստանի բնակավայրերի ուղղությամբ։

Տեսանյութը՝ 30․05․2023թ․