Զելենսկին հրաժարվել է մեկնաբանել ՆԱՏՕ-ի որոշումը

Վիլնյուս ժամանած Ուկրաինայի նախագահ Վլադիմիր Զելենսկին հրաժարվել է մեկնաբանել Ուկրաինայի վերաբերյալ ՆԱՏՕ-ի որոշումները։

Այս մասին գրում է գերմանական Deutsche Welle-ն՝ մեկնաբանելով, որ սա առավելագույնն էր, ինչը Զելենսկին կարող էր անել իր հիասթափությունը դրսևորելու համար։

Հիշեցնենք, որ երեկ՝ հուլիսի 11-ին Լիտվայի մայրաքաղաք Վիլնյուսում կայացած ՆԱՏՕ-ի գագաթնաժողովում դաշինքը որոշում է ընդունել Ուկրաինայի անդամակցության վերաբերյալ։ Համաձայն դրա՝ Ուկրաինան կդառնա ՆԱՏՕ-ի անդամ պատերազմի ավարտից հետո միայն։