ՀՀ կառավարությունը դիմել է Եվրոպական դատարան
Նմանատիպ
Ադրբեջանի կողմից օգոստոսի 16–ին գերեվարված պահեստազորայինի համար ՀՀ կառավարությունը դիմել է Եվրոպական դատարան՝ Ադրբեջանի նկատմամբ միջանկյալ միջոց կիրառելու պահանջով։
Այս մասին հայտնել է Միջազգային իրավական հարցերով Հայաստանի ներկայացուցչի գրասենյակի մամուլի խոսնակ Հասմիկ Սամվելյանը՝ «Լուրեր»-ին տված հարցազրույցում։
Հիշեցնենք` ՀՀ ՊՆ–ն երեկ հայտնել էր, որ օգոստոսի 16-ին պահեստազորային Գ. Ո.-ն, նախնական տվյալներով, ինքնակամ թողել է մարտական դիրքը, նրան հայտնաբերելու նպատակով ընթանում են որոնողական աշխատանքներ։
Ավելի ուշ ադրբեջանական կողմը հայտարարել էր, որ ձերբակալել են հայ զինծառայողի։
Ի պատասխան ադրբեջանական հայտարարության՝ ՀՀ ՊՆ-ն հրապարակել էր տեսանյութ, որտեղ երևում էր, թե ինչպես են Ադրբեջանի ԶՈւ մի խումբ զինծառայողներ մոտենում դեռևս չպարզված հանգամանքներում ադրբեջանական կողմում հայտնված պահեստազորային Գ. Ո.-ին, նախ զրուցում նրա հետ, ապա ձերբակալում
Հետևեք մեզ նաև Telegram-ում