«Կամչատկայի հրաբուխները» չեն ներառվի վտանգված օբյեկտների ցանկում

ՅՈՒՆԵՍԿՕ-ի Համաշխարհային ժառանգության կոմիտեն որոշել է Կամչատկայի հրաբուխները չընդգրկել վտանգի տակ գտնվող համաշխարհային ժառանգության օբյեկտների ցանկում, հայտնում է ՌԴ փոխվարչապետ Վիկտորյա Աբրամչենկոյի մամուլի ծառայությունը։

Նախկինում ՅՈՒՆԵՍԿՕ-ն առաջարկել էր «Կամչատկայի հրաբուխները» ներառել Համաշխարհային ժառանգության օբյեկտների ցանկում, որոնք վտանգի տակ են՝ այդ տարածքում զբոսաշրջային համալիր կառուցելու ծրագրերի պատճառով:

«Ինչպես հաղորդել է փոխվարչապետ Վիկտորյա Աբրամչենկոն, Համաշխարհային ժառանգության կոմիտեի 45-րդ նիստում, որն ընթանում էր Սաուդյան Արաբիայի նախագահությամբ Էր Ռիադում, վաղաժամ է համարել «Կամչատկայի հրաբուխները» ռուսական վտանգվածներ բնակական օբյեկտների ցանկում ներառելը»,- ասվում է հայտարարության մեջ։

Նշվում է, որ հարցի քննարկումն անցել է «կառուցողական քննարկում»։ Կոմիտեի անդամների մեծ մասը, այդ թվում՝ Եթովպիան, Հնդկաստանը, Սաուդյան Արաբիան, Եգիպտոսը, Մալին, Հարավային Աֆրիկան, Օմանը, Ռուանդան, Կատարը, Զամբիան, նշել են Ռուսաստանի ջանքերը՝ բարելավելու Կամչատկայի հրաբուխների տարածքի պաշտպանության կարգավիճակը:

Նշենք, որ «Կամչատկայի հրաբուխները» վտանգված օբյեկտների ցանկում ընդգրկելու հարցը բարձրացվել է դեռևս 2021 թվականին՝ 44-րդ նիստում։